• Opsonline.it
  • Facebook
  • twitter
  • youtube
  • linkedin
View RSS Feed

tempest of thoughts

Penziere mieje...

Vota questo post
Penziere mieje...


Penziere mieje, levàteve sti panne,
stracciàtev' 'a cammisa, e ascite annuro.
Si nun tenite n'abito sicuro,
tanta vestite che n'avit' 'a fa?

Menàteve spugliate mmiez' 'a via,
e si facite folla, cammenate.
Si sentite strillà, nun ve fermate:
nu penziero spugliato 'a folla fa.

Currite ncopp' 'a cimma 'e na muntagna,
e quanno 'e piede se sò cunzumate:
un'ànema e curaggio, e ve menate...
nzerrano ll'uocchie, primm' 'e ve menà!

Ca ve trovano annuro? Nun fa niente.
Ce sta sempe nu tizio canusciuto,
ca nun 'o ddice... ca rimmane muto...
e ca ve veste, primm' 'e v'atterrà.
Categorie
Uncategorized

Commenti

  1. L'avatar di willy61
    Dimme comm'è
    che se sta gente fatta a na manera sola,
    senza genio e parlà 'e niente,
    senza 'o sfizio d' 'o campà.

    Dimme pecchè
    ce sta nu tiempo che nun è terra 'e nisciuno,
    e nisciuno se nne 'mporta
    e nisciuno va a vedè si è overo,

    e nuie, nuie ca tenimmo 'o viento contro
    e che a fatica nun ce stanca,
    nun ce leva a pietto 'a voglia e cantà,

    e nuie, c'o sole che ce tocca 'a faccia
    e che ce fa turnà 'o curaggio,
    nuie vulimmo sta ccà,
    nuie nun ce tuccà

    chella'ata faccia d' 'a città,
    uè guagliò nun 'a tuccà
    chella è 'a terra 'e nisciuno
    e nisciuno sa addò sta.

    Dimme pecchè,
    gente che tene 'o core stritto e piccerillo
    saglie e scende 'e stesse scale
    e nun sape 'e vvie do munno overo,

    e nuie, nuie ca cercammo addò fa juorno,
    c'o maletiempo sempre attuorno,
    nun ce fa paura 'a voglia 'e cantà,

    e nuie, tiempo 'e nisciuno miezz'a gente,
    cu ll'uocchie e ll'anima cuntente,
    nuie vulimmo sta accà
    nuie nun ce tuccà

    chella'ata faccia d' 'a città,
    uè guagliò nun 'a tuccà,
    chelle è terra 'e nisciuno
    e nisciuno sa addò sta,
    iammo guagliò nun 'a tuccà
    è chell'ata faccia d' 'a città,
    chella è a terra 'e nisciuno
    e niuscino sa addò sta.
  2. L'avatar di stellamaranta
    willy preferisco "terra mia" come dice pino. mia e guai a chi me la tocca.

Privacy Policy